Oceanscape Penthouse

Selfsorg

Spesiale Aanbod 20% af

Bly 5 nagte en betaal slegs vir 4. Geldig vir verblyf vanaf 3 Apr 2024 tot 31 Aug 2024.

Soos Gesien op Instagram
Kapasiteit: 6 mense
Inkloktyd: 15:00 tot 19:00
Uitkloktyd: 10:00
Adres: Moolman-pad 33, Bloubergstrand, Kaapstad, 7441, Wes-Kaap
Geen kinders onder 12
Vanaf ~~R4 399~~ R3 519 per nag (plek vir 6)

Beskrywing

Oceanscape Penthouse is 'n skouspelagtige dakwoonstel in die gesogte area, Bloubergstrand Village. Hierdie ruim dakwoonstel is net 'n paar treë vanaf Small Bay en bied luukse geriewe. Dit het direkte strandtoegang en 'n ononderbroke uitsig oor die see.

Hierdie pragtige dakwoonstel bied slaapplek aan 6 gaste en beskik oor 3 slaapkamers met lugversorging en see-uitsigte. Die hoofslaapkamer en tweede slaapkamer het elk 'n koninggrootte-bed en 'n en suite-badkamer met 'n bad, stort, wasbak en 'n toilet. Die derde slaapkamer het 'n koningingrootte-bed en gaste gebruik die gastebadkamer met 'n bad, stort, toilet en 'n wasbak. Daar is ook 'n buitestort. Skoon linne en handdoeke word voorsien.

Die ruim oopplan-leefarea het 'n kombuis, eetarea, sitarea en 'n ononderbroke uitsig op Tafelberg, oor Robbeneiland, die see en kuslyn. Die kombuis is met 'n yskas-vrieskas, gasstoof, oond, lugbraaier, mikrogolf, eetgerei, breekware, tee- en koffiemaakgeriewe en 'n toonbank met stoele toegerus. Daar is ook 'n skottelgoedwasser en 'n aparte area waar gaste hulle wasgoed kan doen.

Die eetarea het 'n etenstafel vir 6 met oorgenoeg sitplek. Die sitarea langsaan het rusbanke, 'n TV en 'n kaggel vir die koue aande. Daar is 'n werksarea en gratis WiFi, asook 'n omsetter wat rugsteunkrag voorsien.

Die eet- en sitareas lei na die balkon met sitplek, 'n ingeboude braai-area en 'n ononderbroke see-uitsig. Hier kan gaste 'n oggendkoffie of skemerkelkie geniet.

Kry ’n Kwotasie