The Eagle

Selfsorg

Winteraanbod 25% af

Bly 4 nagte en betaal slegs vir 3. Geldig vir verblyf vanaf 1 Mei 2024 tot 31 Aug 2024.

Soos Gesien op Facebook
Kapasiteit: 6 mense
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Eagle-weg 7, Southbroom, Margate, 4277, KwaZulu-Natal
Vanaf ~~R2 700~~ R2 025 per nag (plek vir 6)

Beskrywing

The Eagle is 'n selfsorgwoonstel met 'n lieflike see-uitsig wat in 'n kompleks in Southbroom geleë is. Die verblyf is ideaal vir gesinne wat op soek is na 'n kustoevlugsoord.

Dié woonstel op die eerste verdieping bied slaapplek aan 6 gaste en beskik oor 3 slaapkamers en 3 badkamers. Al die slaapkamers het 'n koningingrootte-bed en lugversorging. Die hoofslaapkamer het 'n en suite-badkamer met 'n stort en 'n bad, terwyl die tweede slaapkamer 'n en suite-badkamer met 'n stort het. Die derde badkamer het 'n bad en 'n stort.

Die oopplan-kombuis is met 'n yskas-vrieskas, gasstoof, oond, mikrogolf, waterhouer en 'n lugbraaier toegerus. Langs die kombuis is die opwaskamer met 'n skottelgoedwasser en 'n wasmasjien. Gaste kan hul maaltye by die toonbank of etenstafel geniet. Die leefarea het 'n gemaklike sitarea met 'n TV met DStv, terwyl daar 'n kuierarea vir kinders is.

Die woonstel lei na 'n balkon met 'n lieflike see-uitsig, braaigeriewe en 'n buite-eetarea. Gaste kan ook die gemeenskaplike plonspoel op warm somersdae benut. Gratis WiFi en veilige parkeerplek is in 'n motorhuis beskikbaar. Verder is daar 'n bykomende watertoevoer en omsetter sodat gaste nie deur kragonderbrekings geaffekteer word nie.

Southbroom spog met 'n verskeidenheid plaaslike besienswaardighede en aktiwiteite. Gaste kan die ongerepte strande verken, voetslaan of voëlkyk, asook die kulinêre-aanbiedinge geniet.

Kry ’n Kwotasie